Андерс Вејрганг од Данска имаше неверојатна серија од дури 535 победи во низа пред да го загуби натпревар.
Запомнете го името Андрес Вејрганг – тоа е противник со кого нема да сакате да се сретнете на FIFA турнир. Додуша, ако сте биле сериозни во врска со FIFA како еспорт, веројатно веќе сте чуле за Андрес.
Овој тинејџер од Данска има само 15 години, но веќе важи за најдобриот играч на FIFA во светот. Тој игра професионално со FIFA во тимот на esport RB Лајпциг и постави рекорд што веројатно нема да биде срушен во брзо време – од објавувањето на FIFA 21 во октомври, тој постигна дури 535 последователни победи во Ultimate Team Weekend League. Значи, без ниту еден изгубен натпревар.
Но, оваа недела концентрацијата очигледно малку се намали и неговата неверојатна серија победи конечно запре. Всушност, не беше ни близу – холандски играч со прекар damesheet го победи со 1: 5, а целосната снимка од тој натпревар е подолу.
Секако, овој изгубен натпревар не ги намалува неверојатните достигнувања што Вејрганг ги постигна досега во FIFA. Покрај неверојатната низа победи на FIFA 21, Вејрганг беше најмладиот играч кој постигнал резултат од 30-0 во Викенд лигата FIFA 19 на возраст од 12 години (30 победи, 0 порази). И во својата кариера, тој исто така го победи победникот на FIFA еСветскиот куп во 2019 година. Натпреварот заврши 7-0.
Јасно е дека за Вејрганг претстои блескава спортска кариера, но за поголеми, официјални и меѓународни натпревари сепак ќе мора да почека малку – ќе може да учествува на нив само кога ќе наполни 16 години. Дотогаш, тој сигурно ќе продолжи да ги привлекува погледите на светот кон неговите стримови во живо и другите социјални мрежи – има над 500.000 следбеници на Twitch, 300.000 на Instagram и околу 90.000 на YouTube и Twitter.